suno Aap ne kahaa tha na
mujhe jazba-e-mohabbat se
Main uss din laut aaon ga
to dekho na!!
kai lamhon
kai saalon
kai sadiyon
se Tera raasta takti
yeh Meri muntzir aankhain
Mere dil ki
ye dharkan or sansain
bas Tumhara naam leti hain
wohi ik wird karti hain
Meri aankhon ke sahil par
Teri khwaahish ki mojon ney
bari hulchul mchaai hai
Teri tasveer
sookhy phool
or tohfy
teri chahat ki khushbu mien
abhi tak saans lete hain
wo sab rasty
keh jin pr Tum humaray sath chalty thy
wo sb rasty
jahan Teri hansi ke phool khiltey they
jahan perhon ki shaakhon par
Hum apna naam likhtey they
udasi se bhary manzar
Tumhary lout kar aany ki
umeedain dilaaty hain
Suno kuch bhi nahi badla
Tumhary paaun ki awaz sun’ny ki
Mere kamry ki be’tarteeb chezain muntazir hain
suno!!!
takmeel paati chahton ko
yon adhooraa to nahi chhoro
Mujhe mat azmaao Tum
chalo ab lot aao Tum………Mere jaane se pahle..
Humari Gudia ki Muma.....